ILOILO CITY – Nagtapos na ang 199 ka drug surrenderers nga nagpaidalum sa rehabilitation sa community change center nga ginadumalahan sang city government.
Kabahin sila sang 203 ka surrenderers nga nagabug-os sang 2 nd batch.
Suno kay City Health Officer Dr. Bernard Caspe may apat nga nagpositibo sa illegal nga droga sa ila drug test gani ginpasulit ini sang bug-os nga rehabilitation program nga magalawig sang anom ka bulan.
Ginpahayag ni Mayor Jed Patrick Mabilog nga nalipay sila bangud nagbatas ang mga ini agud matapos ang ila rehabilitation kag makatukod sang bag-o nga kabuhi.
May 3,180 ka validated nga drug surrenderers ang syudad ukon .65% sang kabug-usan nga 449,000 nga populasyon.
Pasalig sang alkalde magahatag sang palangabuhian ang syudad sa bulig sang DSWD, TESDA, kag DOLE sa mga indi na magbalik sa ila daan nga gawi.
