Bongbong Marcos, nanguna sa mga presidential aspirant na nais iboto ng mga Pilipino batay sa RMN-APCORE May 2022 elections survey

2779

Nanguna si Presidential Aspirant Ferdinand “Bong Bong” Marcos Jr. sa isinagawang face-to-face survey ng RMN-APCORE para sa May 2022 election.

Sa survey na isinagawa noong Nobyembre 23 hanggang 29, 2021, tinanong ang 2,400 adult respondent edad 18 pataas na kung gagawin ang eleksyon ngayon, sino ang kanilang iboboto?

Sa pagka-pangulo, nakakuha si Marcos Jr. ng 55% na boto, habang tabla naman sa ikalawa at ikatlong pwesto sina Vice President Leni Robredo at Manila Mayor Francisco “Isko” Moreno na may tig-13% na boto.


Nasa ikaapat na pwesto si Sen. Christopher “Bong” Go na may 8% boto; ikalimang pwesto si Sen. Manny Pacquiao na may 4% na boto; ikaanim si Sen. Panfil “Ping” Lacson na may 3% na boto.

Kapwa nasa ikapito at ikawalong pwesto naman sina Ernesto Abella at Leodegario de Guzman na may 0.17% na boto; ikasiyam na pwesto si Norbeto Gonzales na may 0.08% na boto at ika-sampung pwesto si Antonio Parlade na may 0.00% na boto.

4% naman ang undecided o wala pang iboboto sa pagkapangulo.



Nangibabaw rin sa survey para sa pagkabise presidente si Mayor Sara Duterte-Carpio na may 48% na boto.

Sinundan ito ni Sen. Vicente “Tito” Sotto na may 25% na boto, Sen. Francisco “Kiko” Pangilinan na may 11% na boto; Dr. Willie Ong na may 9%; Rep. Lito Atienza na may 2%; Walden Bello na may 0.08% na boto.


Nasa 5% naman ang undecided o wala pang napipiling bise presidente ng bansa.

Sa senatorial aspirant, tabla sa una at ikalawang pwesto sina Raffy Tulfo at Rep. Alan Peter Cayetano na kapwa may 47% na boto.

Pasok din sa top 20 sina:
3. Pangulong Rodrigo Duterte – 38%
4. Rep. Loren Legarda – 36%
5. Gov. Chiz Escudero – 36%
6. Sec. Mark Villar – 36%
7. Sen. Juan Miguel Zubiri – 29%
8. Jejomar Binay – 29%
9. Robin Padilla – 26%
10 Jinggoy Estrada – 26%
11. Sen. Joel Villanueva – 25%
12. Sen. Win Gathchalian – 22%
13. Sen. Risa Hontiveros -21%
14. Gregorio Honasan -21%
15. Antonio Trillanes – 20%
16. Herbet Baustita – 19%
17. JV Ejercito – 17%
18. Sen. Richard Gordon – 17%
19. Atty. Larry Gadon – 15%
20. Harry Roque – 14%

Facebook Comments