Panukalang pagtataas ng buwanang pensyon ng mahihirap na senior citizen, ganap nang batas!

Isa ng ganap na batas ang panukalang magbibigay ng dagdag na buwanang pensyon sa mga indigent o mahihirap na senior citizen.

Ito ay matapos mag-lapse o otomatikong naging batas na noong Hulyo 30, ang panukala hinggil dito.

Sa ilalim ng batas, makakatanggap ng P1,000 kada buwan ang mga senior citizen, mula sa dating P500 kada buwan.

Ang panukalang ito ay inaprubahan ng 18th Congress at natanggap ni Executive Secretary Victor Rodriguez, kahapon, Agosto 1.