Pansamantalang shinut-down ng Philippine National Police (PNP) ang kanilang system matapos may magtangkang mag-breach o mag-hack ng kanilang logistics data information and management system nitong umaga lamang.
Ibinahagi ni PNP PIO Chief at Spokesperson Col. Jean Fajardo na agad inaksyunan ng Anti-Cybercrime Response Team ang insidente sa pamamagitan ng pag-shut down sa sistema upang maagapan ang posibleng damage na maidudulot nito.
Dagdag ni Col. Fajardo, wala pa silang nakikitang naapektuhan sa tangkang pag-breach at patuloy pa rin ang ginagawang pagsusuri.
Ibinahagi rin niya na kasalukuyang nagsasagawa ang PNP Anti-Cybercrime Group ng hiwalay na assessment upang masiguro na hindi naapektuhan ang logistical at data information ng PNP.
Facebook Comments
