Patuloy ang dagsa ng mga pasaherong susulitin ang long weekend at uuwi o magbabakasyon sa mga probinsya.
Sa ulat ng Philippine Ports Authority (PPA), libo-libong mga pasahero ang naitala lalo na sa tinaguriang Top 5 ports sa bansa.
Hanggang kanina, pinakamarami ang mga pasahero mula sa Bohol na may mahigit tatlong libo, at sinundan ng Batangas, Marquez, Mindoto at Western Leyte/Biliran na mahigit dalawang libong pasahero ang naitala.
Normal naman ang lahat ng operasyon sa mga pantalan at wala ring naitatalang untoward incident pero naka-heightened alert status ang kanilang buong pwersa.
Muli namang nagpaalala ang PPA sa mga pasahero na magtungo sa pantalan tatlong oras bago ang nakatakdang biyahe at direktang makipag-ugnayan sa shipping lines para sa iba pang karagdagang impormasyon.
