Sumala kang DSWD XI- Sustainable Livelihood Program Focal Person Florlito Alaba, anaa sa 182 ka mga rice retailers sa rehiyon onse ang unang batch tunolan og 15k nga ayuda pinansiyal.
Sa Davao City, muabot sa 82 ka rice retailers gikan sa mga Pampublikong Merkado sa Agdao, Bankerohan, Toril, Mintal, Matina, ug Panacan ang nagtapok karon sa Almendras Gym aron mudawat sa ilang cash assistance.
Gipasabot ni Alaba nga ang naasoy nga mga benepisaryo miagi sa makuti nga pagpanubay sa Department of Trade and Industry (DTI) Davao Region ug nasuta nga nagbaton og business permit, dunay puwesto, ug tinuod nga mga negosyante busa nahimo silang lihitimo nga mga benepisaryo sa subsidy sa nasudnong gobyerno.
Nasayran nga duha ka adlaw ipahigayon ang payout ug ang mga rice retailers dili maka-claim karon ug ugmang adlawa sa Rehiyonal nang buhatan makuha ang ayuda.
Gawas sa Davao City, simultaneous sab gihimo ang payout sa mga probinsiya sa Davao Del Norte, Davao Del Sur, Davao Occidental, ug ugmang adlawa sa Davao De Oro.
RadyoMaN Joel Viray
