Sa interbyu sa DXDC RMN Davao kang Police Colonel Alberto Lupaz, Davao City Police Office (DCPO) Director, gibutyag niini nga nagpatuman sila og “one entrance, one exit” policy diin ang entrada nga bahin anaa atubangan sa Marco Polo hotel.
Matud ni Lupaz, hapsay ug malinawon ang unang adlaw sa pag-reopen sa Roxas Night Market apan padayon niining panawagan sa publiko ang pagsunod sa health protocol nga pagsuot og face mask ug paglikay sa pagdala sa mga gidili sulod sa area.
Giklaro sa police official, dili requirement ang Coronavirus Disease 2019 (COVID-19) vaccination card sa musulod nga indibidwal, gawas lang sa pag-check sa ilang bag sa entrance area kung asa himuon ang inspeksyon.
“Everybody is welcome to visit Roxas Night Market. Fair warning lang na bawal ‘yung magdala ng backpack at jacket. Isa pa, kailangan may face mask sila. Hindi talaga namin papasokin ‘yung walang face mask,” sulti ni Lupaz.
Atol sa subling pag-abli sa Roxas Night Market kagabii, nagpahigayon usab og concert ang DCPO personnel paghatag og kalingawan sa mga nibisita sa lugar.
Abli ang Roxas Night Market gikan alas 5:00 sa hapon hangtud alas 12:00 sa tungang gabii gikan Lunes hangtud Domingo alang niadtong buot musuroy para mukaon, mangukay, mag-picture, o mag-relax pinaagi sa pagpahilot.
RadyoMaN Kirby Manzon
