Davao City – Gilusad ang lima ka adlaw nga pinakaunang Disaster Response Monitoring and Information Center (DROMIC) Summit sa usa ka dakong hotel sa may dalang Sta. Ana Avenue ning syudad sa Davao.
Sumala ni Department of Social Welfare and Development (DSWD) Undersecretary Felicisimo Budiongan, tumong niining aktibidad nga pakusgan ang disaster information management system sa DSWD pinaagi sa pagpalambo sa kaalam ug abilidad sa mga disaster response personnel gamit ang teknolohiya.
Gikanayon ni Budiongan nga adunay panginahanglanon nga husayon pa ang sistema sa information management ilabi na nga nagtaas na ang mulo sa paspas nga pag bag-o sa panahon.
Gani pinaagi sa DROMIC, giingon sa DSWD Undersecretary nga mapakusgan ang koneksyon sa central offices ug field offices aron epektibong makapagula og komprehensibong disaster reports taliwala sa mas kusog nga hazards ug distrosong panghitabo.
Nasayran nga sa sa kinatibuk-an, adunay 42 ka mga personahe sa 14 ka mga rehiyon ang reponsable niini diin gipangulohan kini sa Disaster Response Management Bureau (DRMB) kinsa responsable sa mga response informations ug emergency operations.
Gitambongan ang maong Summit sa mga personahe sa DROMIC-Central ug Field Offices, lakip ang mga representante gikan sa mga cluster members ug mga pribadong ahensiya samtang adunay tema kini nga “Enhancing Community Resilience thru Innovations in Information Technology and Data Sharing”.
Ang DROMIC na establisar niadtong tuig 1994 ilawom sa Dwpartment Order No. 53 kun ang Disaster Response and Monitoring Capability Building (DRAMCB) project.
RadyoMaN Jason Amisola
