Sa interbyu sa DXDC RMN Davao kang Labanon, iyang gisaysay nga hawod usab ang iyang mga nakalaban sa 400M FREESTYLE-BOYS SECONDARY, apan nagpasalamat kini nga siya gayud ang nakasakmit sa unang gold medal sa delegasyon gikan sa Davao Region.
“It was unexpected kasi marami na man pong malakas na kalaban na I’ve competed with. I’m happy na I’ve won the first gold medal for Davao City,” matud ni Labanon.
Gisulti sa swimmer nga dako og tabang kaniya ang iyang gihimong pagpangandam sa maong multi-sport event pinaagi sa intense training, strict diet ug mind conditioning.
Matud sa gold medalist, iyang inspirasyon ang iyahang ginikanan o pamilya. Dako usab ang iyang pagpasalamat sa suporta sa Dabawenyos sa mga atleta nga padayong nag-compete sa maong paugnat sa kusog.
“My inspirations are my parents and my grandparents. Basically, the people I’ve known kasi they have given me support and motivation to keep pursuing in this sport,” sulti sa swimmer.
Dugang niya nga aduna pa siyay nakalinyadang events sa nahibiling adlaw sa kompetisyon ug nanghinaut kini nga makasakmit gihapon siya og gold medals lakip na ang iyahang kaubanang atleta.
“(Let’s) keep fighting. We can win this. Go Davao Eagles!”, mensahe niini sa iyang co-athletes.
Kahinumduman nga apil si Labanon sa elementary boys swimming team niadtong Palarong Pambansa 2019 nga una usab nga nakakuha og gold medal alang sa Davao Region.
RadyoMaN Kirby Manzon
