1st runner up sa Ms. Earth Philippines 2019 nga kandidata gikan sa Mis.Or, gipasidunggan sa Provincial Government

36
PC: RadyoMaN Lovelyrose Sambaan

Nakabalik na sa Misamis Oriental ang kandidata sa lalawigan alang sa Ms. Earth Philippines 2019 nga gipahigayon sa kaulohan.

 

Nahimong 1st runner up sa nasangpit nga kompetisyon si Ms. Ana Monica Tan.


 

Gidayeg ni Gov. Bambi Emano ang kaikag sa dalaga human niini gisakripisyo ang iyang pagtungha aron mosalmot sa maong indigay.

 

Mipasalig pa kining tabangan si Tan kung mahuman na kini sa iyang pagtungha.

 

Dugang pahayag sa gobernador nga kung sauna halos dili maila ang Misamis Oriental apan karon, daghan nang mga pasidungog ang nakab-ot ilabina sa natad sa turismo.

 

Tungod niini, gipasalamat sa opisyal ang head sa Provincial Tourism Office nga si Atty. Jeffrey Saclot.




 

Samtang, nagpasalamat usab si Ms. Air Philippines Ana Monica Tan sa suporta nga iyang nadawat gikan sa provincial government sa Misamis Oriental.

Facebook Comments