Davao City – Gitinguha karon sa lokal nga gobyerno nga mamahimong pinakaunang ‘Smartest and Safest City’ sa Pilipinas.
Sumala ni Rowena Dominguez-Narajos, Smart City Officer, pinaagi sa pag upgrade sa Traffic Signalization Program partikular sa Intelligent Transport Management System (ITMS) ug Intelligent Operation Center (IOC), moresulta kini sa sistematiko ug mas technology-oriented traffic system, kaluwasan ug security monitoring ug management sa syudad sa Davao diin mouyon kini sa ginaplanong High Priority Bus System (HPBS).
Dugang ni Narajos nga ang implementasyon sa HPBS gitumong aron ma-upgrade pa og maayo ang atong traffic signalization ug Traffic Management Center operations.
Gibutyag usab sa maong opisyal nga andam mo-ayuda ang United States Trade and Development Agency (USTDA) og kantidad 515,000 US dollars alang sa consultancy study kalabot sa maong mga proyekto.
Gidugang ni Narajos nga magsilbing Command Center ang IOC diin dinhi imonitor ang dagan sa trapiko, ingon ang safety ug security matters sa syudad sa Davao.
RadyoMaN Jason Amisola
