Davao City – Generally peaceful kun nahimong malinawon ang unang semana sa balik-operasyon sa Roxas Night Market ning syudad sa Davao human kini nag ‘reopened’ niadtong September 12, 2020.
Sa interbyu sa DXDC RMN Davao kang Police Colonel Kirby John Kraft, Davao City Police Office (DCPO) Director, gibutyag niini nga walay natalang mga dagkong insidente sa lugar, samtang hugot ang ginapatumang security measures ug health protocols batok Coronavirus Disease 2019 (COVID-19) labi na sa pagdagsa sa mga tao.
“Ito po namang situation sa peace and order, generally peaceful po ‘yung ating Roxas Night Market para sa unang linggo. ‘Yung (mga) tao, unti-unti po silang dumarami lalo po kapag weekend,” saysay ni Kraft.
Matud ni Kraft , padayong rekisitos sa pagsulod sa Roxas Night Market ang pagsuot sa face mask, face shield, pagtunob sa foot bath, handwashing una mosulod ug social distancing.
Padayong panawagan sa DCPO Director sa mga Dabawenyo nga suportahan ang ‘culture of security’ sa dakbayan.
RadyoMaN Kirby Manzon
