2.1 bilyon nga budget para sa unang distrito sa Zamboanga Del Norte, aprubado na!

22

TUNGOD sa daghang mga pagsaway gikan sa dili mga kaalyado sa pamilyang Jalosjos may kalabutan matod pa nga walay nakitang mga maayong proyekto sa ilang lugar.
Si ZDN 1st District Congressman Cong. Romeo Jalosjos Jr, nagkanayon nga kung adunay sila’y nahimo nga proyekto ingnon gihapon sila nga igo lang misakay.
Matod niya, nga bag-ohay lang siya nag turn-over ug tulay sa may Dapdap, Pob. South, Polanco, ZDN nga gipondohan sa nasyunal pinaagi sa DPWH, pinaagi sa iyang pagpaningkamot nga maghimo ug balaod aron mapondohan*.*
Daghan ang nag ingon nga wala siya’y proyekto, pero matod sa kongresista nga anaa na sa iyang mga kamot ang General Appropriations Act (GAA) nga pirmado ni pangulong Rodrigo Duterte, kansa nag gahin ug 2.1 bilyon nga pondo alang sa unang distrito sa Zamboanga del norte para sa tuig 2020.
Bisan paman nga giangkon kini sa uban apan wala kini maka apekto sa iyaha ug dili matod pa niya batasan nga mo suroy ug magpasiatab sa iyang mga nahimo nga proyekto.
Moabot nausab sa 15 ka mga proyekto ang na turn over sa kongresista sa distrito 1 ug iyang giaangkon nga ang ubang proyekto wala pa nasugdan tungod sa pandemya sa covid-19*.*

Facebook Comments