Umabot sa 2.4 milyong mga Pilipino ang nabakunahan sa bansa kasabay ng pagsisimula kahapon ng 3-day National Vaccination Drive.
Ayon kay Department of the Interior and Local Government Secretary Eduardo Año, ibinase ito sa Vaccination Operation Reporting System (VORS) na naitala as of alas-5 ng umaga kanina.
Inaasahang tataas pa ang bilang dahil marami pang Local Government Units (LGUs) na hindi nakakapagpasa ng datos.
Tinatayang nasa 3 million indibidwal ang target bakunahan ng pamahalaan kada araw sa 3-day National Vaccination Drive.
Sa December 15 hanggang 17 pinaplanong gawin ang second round ng 3-day vaccination drive para makamit ang 54 milyong Pilipino na fully vaccinated bago ang taong 2022.
Facebook Comments
