Maga pulis del Vitali Police Station junto conel maga SWAT ya recobri dos maga pustola na un casa durante el raid na barrio de Tagasilay del Sabado tarde.
Cargando con el search warrant que estava na Regional Trial Court por el caso de illegal possession of firearm contra con Hagadil Abdulmajid, ya apunta estos na su residencia para srivi con este.
Pero cuando ya llega el maga pulis na lugar, nohay na casa si Abdulmajid donde asegun ya puede este columbra con el llegada del maga otoridad y ya sopla este el escapade.
Masquin pa nohay el suspechao, maga pulis ya consigui siempre conduci con el search donde ya encontra estos dos 45 calibre pistol y maga bala con baina.
Ya tenme que confisca con el dos pusil y maga bala y lleva na estacion para el plantada de caso na corte contra con el dueño.
