Davao City – Wala pa mailhi hangtod karon ang duha ka Akyat Bahay nga napatay sa mga sakop sa San Pedro Police Station, human nga giingong misukol sa mga awtoridad niadtong miaging mga adlaw.
Sumala kang Police Major Marvin Hugos, Hepe sa San Pedro Pnp, nga nagpabilin pang unidentified ang duha ka suspect kinsa anaa pa karon sa morgue sa Southern Philippines Medical Center (SPMC).
Matod ni Hugos, adunay miadto sa ilang estasyon nga kabanay, apan dili pa usab segurado kung, ang usa sa mga suspect ila ba kining kabanay. Giingong walay mga identification card o ID, ang narecover sa mga suspect, busa nalisdan ang mga awtoridad sa pag-ila sa mga napatay.
Nanawagan karon si Hugos sa mga kabanay, kansang membro nga wala pa maka-uli hangtod karon nga makig-alayon lamang sa ilang buhatan, aron susihon sa morgue sa SPMC aron ilhon.
RadyoMaN Joel Viray
Facebook Comments
