Kumpirmadong patay ang duha ka mga giingong mga armadong akyat bahay nga mga suspek.
Sa interbyu sa DXDC RMN Davao kang Police Major Marvin Hugos, Station Commander sa San Pedro Police Station, nitawag kanila si Brgy. 10-A Kagawad Marcho Ibañez aron parespondehan ang giingong pagsulay og pagpangawat sa mga suspek sa usa ka panimalay.
Daling niikyas ang mga suspek pag-abot sa nga pulis ug nagkaginukdanay pa.
Giingong gipusil sa mga suspek ang nirespondeng mga pulis ug nagkapinusilay na ug napuruhan ang duha ka mga suspek.
Gisulayan pa kini og hatod sa Southern Philippines Medical Center apan gideklara na kining patay sa mga doktor.
Narekober sa crime scene ang bag sa mga suspek nga adunay sulod nga bara de kabra ,gunting, ice pick with scabbard, kutsilyo, Star Screw ug mga jackets.
Padayon pang ginaidentipika sa mga awtoridad ang napatay nga mga robbery suspects.
RadyoMaN Aimee Guinita
