El Philippine Drug Enforcement Agency (PDEA9) ya planta ya elo proprio caso na fiscalia con dos maga antes soldao despues ya cuji canila durante el drug bust operation ya conduci na Purok 12, Upper Calarian del pasao maga dias.
El PDEA Regional Director si Lyndon Aspacio, ya nombra con el dos maga arestao como canda Rodolfo Giovanni Haron y daung alias Kon-Kon, 36, separtao un antes army y si Muin Jumadil y Alawaddin alias Mike, 43, casao, un antes marines, ambos del mencionao lugar.
Canila ya aresta na mismo siempre diila lugar durante el buy-bust operation.
El maga agente del PDEA ya puede confisca desde canila el 8 paquete de shabu tiene el valor de P4,000 y el P300 marked money.
El PDEA ya recomenda caso del violacion del section 5 y 11 del R.A. 9165.
