Osmeña-Usa ka vehicular traffic accident ang nahitabo sa dalang nasyunal brgy. San Juan, Sergio Osmeña ning atong probinsya sa Zamboanga del norte mga alas 5:10PM dili palang dugay.
Nga kung diin usa ka single motor Honda XRM 125 nagtangag sa plaka numero 4148 SA, kolor pula adunay kombinisyon nga kolor puti.
Gimaneho kini ni Renante L. Laquio, 45 anyos menyo, trabahante dinhi sa LGU-Dipolog, nagpuyo sa Brgy. Punta, ning atong dakbayan sa dipolog.
Aksidente nga nabanggaan ni Renante ang usa ka batang lalaki nga 2 anyos nagpuyo sa nahisgutan nga brgy.
Sa gihimong pag imbistiga sa kapulisan nasayran nga ang maong driver sakay sa iyang motor padulong sa lungsod sa Sergio Osmeña ug paghidangat niya sa lugar nahitaboan aksidente niyang na punggit ang maong bata human siya misulay pagtabok sa pikas dalan.
Hinungdan nga nakaangkon ug mga gas-gas sa lawas ang maong bata, dali usab kining gidala sa balay tambalanan.
Ang single motor anaa na karon sa kustodiya sa kapulisan sa osmeña samtang ang nahisgutan nga driver siya ang mo gasto ngadto sa biktima alang na usab sa mga panginahanglanon niini.
