Dumalinao, Zamboanga del Sur – Patay ang ang 2-anyos nga batang babaye human natumbahan og pu nuan sa lubi didto sa lungsod sa Dumalinao probinsya sa Zamboanga Del Sur alas 5 kagahapon sa hapon..
Giila ang biktima nga si Aljane Ventura, residente sa barangay Mitukong sa naasoy nga lungsod.
Sumala sa say-say sa inahan sa biktima nga si Janeth Ventura nagtindog ang maong bata sa gawas nga bahin sa balay sa iyang apohan samtang naghulat sa iyang amahan nga mahuman sa pagputol santol.
Samtang nagkapuliki ang mister ni Janeth sa pagputol ng puno ng santol wala ma-alingati nga ang ilang anak nga aljane didto na diay sa punuan sa bayabas og nalingaw pagkuha sa mga bunga niini.
Dihang natumba ang punuan sa santol niigo kini sa lubi rason nga natumba ang lubi paingon sa dereksyon sa iyang anak . Ang ulo sa bata maoy grabe nga nabun-og napuruhan sa pagkatumba sa lubi.
Daling gidala sa Zamboanga Del Sur Medical Center sa Pagadian City ang biktima apan gideklara nga dead on arrival sa doktor.
Wala pa nataho sa kapulisan ang insidente gumikan sa kapaspas sa hitabo.
