2 arestado sa buy-bust operation sa Koronadal City.

16

Arestado ang duha ka mga persona sa ginpatigayon nga buy-bust operation sang gintingob nga pwersa sang PDEA South Cotabato Provincial Office, Koronadal City Drug Enforcement Unit kag South Cotabato Provincial Drug Enforcement Unit sa bahin sa Rizal Park, Brgy. Zone 4, Koronadal City, alas 12:00 sang udto, Oktubre 12, 2021.
Ginkilala ang mga suspek nga sanday Jermil Parreño Martillano, 36-anyos, residente sang Bo.1, Banga, South Cotabato kag ang source nga si Rakma Santan Sapal , 40-anyos kag residente sang Brgy. Japakan, Sultan sa Barongis, Maguindanao.
Nakuha naman sa mga suspek ang apat ka large sachets sang ginapatihan shabu nga nagakantidad sang P136, 000.00.
Suno pa si Martillano ang plea bargainer nga nakaggwa sa General Santos City sang Hunyo 2021, matapos nga naaresto sang PNP sang 2016 sa pagbayolar sa RA 9165.
Namonitor suno pa ang suspek nga liwat nga nagapatigayon sang illegal drug trafficking.
Kaso naman nga pagbayolar sa Section 5 kag 11 sang Article II ang ipasaka batok sa mga suspek.

Facebook Comments