Davao City- Sikop atol sa gilusad nga buy-bust operation sa Talomo PNP ang usa ka kanhi piniriso ug babaeng nahilakip sa Directorate for Intelligence Watchlist sa may Magallanes Street ning syudad.
Ang mga suspek giilang sila Joderick CaƱa alyas Jojo, 38 anyos nagpuyo sa Pag-Asa Bankeron ning siyudad ug Kristine Mae Silvestre alyas Kim, 24 anyos, taga-Ecoland ning syudad.
Malampusong napalitan sa kapolisan og usa ka sachet nga shabu sa kantidad nga P500.00 buy-bust money.
Sa interbyu sa RMN Davao kang Talomo PNP station commander Police Major Ronald Lao nga nakagawas sa prisuhan si CaƱa pinaagi sa plea bargaining agreement niadtong Mayo 20, 2019 apan nagpadayon gihapon kini sa pagpayuhot og shabu.
Nisulay matud pa unta ang suspek nga CaƱo og sukol gamit ang .38 nga revolver apan dali kining nasikop sa mga awtoridad.
Nasakmit usab sa duha ka mga suspetsado ang mga shabu.
Kasuhan karong Lune ang mga drug suspects og maypaglapas sa RA 9165 kun Comprehensive Dangerous Drugs Act.
RadyoMan Don Pulayao, RadyoMaN Aimee Guinita
