Davao City – Gikumpirma sa Department of Agriculture (DA) nga nagpositibo sa African Swine Fever (ASF) ang mga baboy gikan duha ka barangay sa Sulop, Davao del Sur.
Sa interbyu sa DXDC RMN Davao kang Noel Provido, Spokesperson sa DA-XI, gibutyag niini nga subay sa resulta sa gikuhang sample, nagpositibo sa ASF ang mga baboy sa Brgy. Palili ug Brgy. Laperas sa Sulop sa maong probinsya.
Segun ni Provido nga gilayong ipatuman ang quarantine checkpoints ug depopulation sa mga baboy sama sa gihimo sa ubang apektadong lugar aron malikayan ang pagkatag pa sa ASF sa ubang areas.
“We will implement the 1-7-10 kilometer protocol. So, 1-7-10 sa duha ka barangay. Then, i-quarantine nato ang sakop sa seven kilometers radius nga within the municipality lang sila or within the seven kilometers lang ilang baboy,” saysay ni Provido.
Dugang ni Provido nga aduna na usay koordinasyon ang DA ngadto sa lakang usab sa Local Government sa Davao del Sur labot sa management, containment ug control sa ASF sa lugar.
RadyoMaN Kirby Manzon
