Matapos ang serye ng mga validation, verification at authentication sa Certificate of Titles para sa Comprehensive Agrarian Reform Program (CARP) na kinabibilangan ng landholdings sa ARMM ay inaprubahan na ito ng Inter-Agency Committee (IAC) ng ARMM sa pamumuno ni Department of Agrarian Reform-ARMM Secretary Dayang Carlsum Sangkula-Jumaide sa ginanap na 77th IAC Meeting Office of the Secretary, DAR Central Office kamakailan.
Ang IAC ay itinatag alinsunod sa Presidential Agrarian Reform Council (PARC) Executive Committee Resolution No. 2003-91-02 na may mandatong i-review, i-verify at i-authenticate ang certificate of titles sa ilalim ng CARP upang mapangalagaan ang interest ng gobyerno, matiyak ang pamantayan at pagkakapareho sa authentication ng documentary requirements.
