Davao City – Sikop sa kapulisan ang duha ka mga tigpataya og last two atol sa nagka lain-laing anti-gambling operation sa kapulisan gahapong adlawa.
Nasikop sa kapulisan sa Bunawan si Hanna Gardose, 20 anyos nga taga-Piapi Boulevard ning siyudad alas 4:50 sa kahaponon human kini naaktohan nga nagpataya og last two.
Narekober gikan sa iyang posisyon ang usa ka stab nga last two lakip nakompiska ang bet money nga 225.00 pesos ug natigayon ang anti illegal operation sa Km. 24, Fatima Inabangga, Bunawan district siyudad sa Davao.
Samtang dakpan usab sa San Pedro PNP ang usa ka Benilda Buhsian Barbarona, 49 anyos ug residente sa may Bajada ning siyudad.
Sumala pa, naabot sa ilang buhatan ang report nga rampant ang pataya ug last two sa ilang lugar.
Gilisad ang anti illegal gambling operation bandang alas 5 sa kahaponon ug usa sa mga otoridad ang nagpaka aron ingnon nga mopatad ug last two hinungdan nga malampuson nga nasikop ang dinakpan.
Nakuha gikan sa suspek ang mga illegal gambling paraphernalia ug bet money ga mokantidad 90 kapesos.
Ang mga dinakpan pasakahan og kasong pag lapas sa R.A 9287 kon illegal gambling.
RadyoMaN Don Pulayao/ RadyoMaN Paul Canono
