BACOLOD CITY – Natalana na nga pasakaan sang kaso ang duha ka mga suspek nga nadakpan sa ginpatigayon nga drug buybust operation sadtong Sabado sang hapon sa Brgy. 2, ciudad sang Bacolod.
Ang mga suspek ginkilala nga sanday Fritz Mendoza, legal ang edad kag Shalemar Deola, 24 anyos, pumoluyo sang Brgy. 2, Bacolod City.
Ang buybust ginpatigayon sang mga katapo sang Police Station 2 sadtong Sabado sang hapon sa Purok Kagaykay, Brgy. 2.
Si Mendoza ang ginakabig Street Level Target kag yara sa drug watchlist sang Police Station 2 kon diin nakuha sa iya possesion ang walo tanan ka sachet sang suspected shabu nga may market value nga ginabulubanta kapin sa P90 mil pesos (90 thousand).
Sa karon detained na sa custodial facility sang Police Station 2 ang amo nga mga suspek.
[image: image.png]
