Aca dos dia ya, ya sospende el clase del todol escuela na ciudad seguiendo con el mal tiempo porcausa con el tifun Ompong.
Na anuncio del gobierno local pormedio del Zamboanga City Disaster Risk Reduction Management Office, cancelao el todol clase na maga escuela ambos de public y privado.
Donde mismo el Philippine Atmospheric Geophysical Astronomical Services Administration (PAGASA) ya declara que gendeh normal el andansa del tiempo porcausa con el tifun, asegun ay tarda hasta maniana Sabado.
Para el seguridad del maga estudiante teneia que cancela con el maga clase.
Na mismo teimpo ta apela tambien el gobierno local con el maga barangay official del 98 barrio para esta alerto y observa el andansa del tiempo na diila cada-y-cual lugar.
Facebook Comments
