Davao City – Malampuson man ang pag-abli sa School Year 2020-2021 sa Davao Region apan gipahibalo sa Department of Education (DepEd-XI) nga adunay duha ka mga dagkong pampublikong tulunghaan nga dili pa makaklase.
Gibutyag ni DepEd spokesperson Jenielito Atillo sa pakighinabi sa DXDC RMN Davao, naapektuhan ang operasyon sa Talomo National High School ug AL Navarro National High School tungod adunay duha ka magtutudlo gikan sa maong mga eskwelahan ang nagpositibo sa COVID-19.
“They are now on their quarantine period hopefully after that mubalik na,” segun ni Atillo.
Tungod usab niini wala pa mahatag ang mga hard copies sa modules kay nagpabiling sirado ang nasangpit nga mga eskwelahan.
Gikanayon ni Atillo, gipaniguro sa DepEd nga dili maapektohan ang pagtuon sa mga kabataan og nag-establisar sila og linya sa social media diin pwedeng mapadayag sa mga ginikanan ang ilang mga concerns.
RadyoMaN Aimee Guinita
