South Cotabato – wala makalingkawas sa kamatayon ang 2 ka estudyante human nga nalumos sa Lakik Creek nga nahimutang sa Sitio Lamuti, Barangay Lamlahak Lake Sebu, South Cotabato alas 4:00 sa hapon niadtong nakalabayng adlaw.
Giila ang mga namatay nga silang Jillian Adel Isay, 7-anyos ug Jesabelle Segundo, 9-anyos pulos estudyante sa Barangay Lamlahak Elementary School.
Subay sa report sa Lake Sebu PNP nasuta nga pauli na unta ang mga nasangpit uban ang tulo pa nila ka mga amigo. Mihapit ang mga nasangpit sa sapa dihang kalit lang mikusog ang bul-og sa tubig nga miresulta sa pagkaanod sa mga nasangpit.
Unang nakit-an sa mga rescuers alas-5:40 sa hapon si Isay kansa gidala gilayon sa ospital apan gideklara nang dead on arrival, samtang alas 6:20 na pagkabuntag nakit-an ang patayng lawas sa laing usa pa ka biktima sa may Luil River.
