TACLOBAN CITY – Buhi nga nakit-an han mga otoridad an lima katawo nga syahan nga na-ibalita nga nawawara ha kadagatan han Southern Leyte matapos malunod an ginsasakyan nga sarakyan pandagat.
Nasalbar hira ha butnga han kadagatan han Southern Leyte ngan Surigao Del Norte ha pinag-usa nga pwersa han local disaster officials, Philippine Coast Guard ngan Philippine National Police.
Sumala han Hinundayan Police, an lima in nakit-an nga nagpapalutaw-lutaw harani ha Homonhon Island ngan nakapot la ha nahibilin nga parte han motor banca.
Ginkilala an duha nga australiano nga hira Grahame David Hastings, 60, Donald Cox, 60; ngan an tulo nga pinoy nga hira Jar-Ar Aradaza, 19; Serecio Adanza, 40; ngan Michael Samatina, 33.
Facebook Comments
