Sa interbyu sa DXDC RMN Davao kang Noli Dimaandal, PDEA XI spokesperson, P900K nga shabu ang narekober sa buy-bust operation niadtong Enero 13, 2023 sa Purok Acacia, Barangay Dahican, Mati City, Davao Oriental.
Arestado ang High Value Target nga si John Rex Tabudlong alyas Junrex, 39 anyos, minyo ug residente sa Purok 4-B, Barangay Mayo, Mati City, Davao Oriental.
Samtang, sa susamang adlawa, na-dismantle sa mga operatiba ang gituohang drug den sa Purok 9, South Bay Road, Barangay Lapu-Lapu, Agdao, Davao City.
Upat ka mga drug suspek ang nadakpan ug ang ‘drug den owner’ nga si Charlie Magne Manila alyas Wowie, 47 anyos, naabtan sa mga taga-PDEA XI nga nagshabu session sila Mars Frederick Yamson, government employee, Archie Datoon ug Razine Karl Jaso.
Mobalor sa P186K nga shabu ang narekober sulod sa maong drug den, matud ni Dimaandal.
Segun ni Dimaandal, laing government employee ang nadakpan sa buy bust operation sa Block 22, Lot 12, Rosalina 1, Bago Gallera, Davao City nga giilang si Cyrus Andamon alyas Dondon, 45 anyos ug kauban niining si Kenny Ngaday.
Mosumada sa P165,000 nga shabu ang nasakmit sa maong operasyon.
Ang pito ka mga dinakpan detinado na sa police station ug detention facility sa PDEA XI.
RadyoMaN Aimee Guinita
