General Santos City* –* anaa na sa kasamtangan sa kustudiya sa Explossive Ordnance Dispossal(EOD) Unit ang duha ka granada nga una nang nakaplagan sa tugkaran sa usa ka panimalay sa Barangay Lagao Gensan.
Una nang mireport sa Police Station 3 ang usa ka ginang nga si Lita Destro nga taga Cruz compound, Nursery, Barangay Lagao human nga ilang nakaplagana ng usa ka PRB grenade ug smoke grenade nga anaa sa punuan sa lubi sa ila ra usab nga tugkaran.
Nasayran nga nakit-an ang maong mga Granada human nga nakit-an sa mga anak sa ginang sa punuan sa lubi. Ila unta kining dula-dulaan apan maayo nalang nga nakit-an dayon sa inahan mao nga iyang gikuha ang mga Granada ug giplastar sa mas luwas nga lugar dayon mireport kini sa kapulisan.
dako usab ang pagtuo sa ginang nga gipana-iyahan sa iyang igsuon nga usa ka sundalo ang nahisgutang mga Granada ug iya lang nabyaan dihang milakaw kini sa ilang kampo.
