2 health workers ha Samar, positibo han COVID19

1221

TACLOBAN CITY – Gin-anunsyo han Department of Health (DOH) Eastern Visayas nga an 35 samples nga ginpadara ha Vicente Sotto Memorial Medical Center ha Cebu City, duha (2) an nagpositibo han coronavirus disease COVID19.

An ika-upat (4) nga pasyente in 56-anyos, an ika lima (5) naman nga pasyente in 32- anyos, pareho nga mga taga Tarangnan, Samar. Hira in mga health workers. Natapnan hira han virus han second confirmed case nga taga Calbayog City, Samar.


Nagdudumara na ha pagka yana hin contact tracing an Regional Epidemiology and Surveillance Unit ha Tarangnan kun diin ginpapamiling an mga nakahibalag han duha nga nagpositibo han COVID19.

Dadad-on na ha pagka yana an duha (2) nga pasyente tikang ha Tarangnan para ma-admit ha EVRMC Magsaysay, Tacloban City kumo referral hospital.

Gin-aabisuhan naman han DOH-EV an mga kahagrani nga bungto han Tarangnan nga mag istrikto pagpatuman han Enhanced Community Quarantine.

Facebook Comments