Gisikop sa kapulisan sa Gingoog City Police Station ang duha ka wanted persons sulod lamang sa usa ka adlaw.
Kini ang gibutyag ni Police Supt. Ariel Philip Pontillas, Chief of Police sa Gingoog City Police Station.
Unang gisikop sa Purok 3, Barangay Pigsaluham, Gingoog City mga alas 8 kagahapon sa buntag ang wanted sa kaong child abuse.
Kini mao ang 19 anyos nga si Jackylyn Arengo Canumay alyas Inday ug residente sa nasangpit nga lugar.
Samtang human sa 30 minutos, gisikop na usab sa kapulisan sa Gingoog ang wanted sa kasong qualified theft o pagpangawat sa Purok 1-B, Barangay 19 sa maong syudad.
Suspek mao ang 35 anyos nga si Garry Castulo Balangyao, minyo ug residente sa maong dapit.
Facebook Comments
