2-in-1 Portable Mini Rice Mill, Ibinigay sa Grupo ng mga Magsasaka

22

Cauayan City, Isabela- Ipinagkaloob ang apat (4) units 2-in-1 portable mini rice mill sa Farmers Cooperatives and Associations sa Cagayan Valley mula sa Department of Agriculture Regional Field Office No. 02 sa ilalim ng Organic Agriculture Program.

Ayon kay Ginoong George Caday, Regional Coordinator, Organic Agriculture Program, ang portable rice mill ay sapat na upang alisin ang ilang nagpaparuming bagay at bran mula sa mga palay at maaaring makagawa ng parehong pinakintab at brown rice.


Aniya, hindi lamang ito makakatulong na mapagaan ang problema sa limitadong mga pasilidad ng pag-ani pagkatapos din na magsilbing negosyo para sa mga produktong organikong bigas.

Ilan naman sa mga kooperatibang tumanggap ay kinabibilangan ng SAMBALAND Agrarian Reform Beneficiaries Cooperative, Bangan, Sanchez Mira, Cagayan; Naimeng A Pagtaengan Producers Association (NPPA), Inc., Zamora, San Mariano, Isabela; Disimungal Farmers Association, Disimungal, Nagtipunan, Quirino; at Ivana Payaman Cattle Raisers Association, Ivana, Batanes.

Iginawad ang nasabing mga gamit kasabay ng 3rd Corn Derby sa City of Ilagan, Isabela.

Facebook Comments