2 ka anak sa naligsan sa ambulansa posibleng ma-undang sa pagtoon karon wala na ang padre de pamilya

Davao City – Sa pagkamatay ni Renante Cejas kinsa naligsan patay sa ambulansa nga iya sa munisipalidad sa Magsaysay, Davao Del Sur nga gimanehoan ni Agapito Nillas Jr., sa may Ulas kagabii, giproblema karon sa misis nga si Amor Cejas kung unsaon niya nga mapatiwas niya’g pa-eskwela ang duha nila ka mga Anak karon wala na ang ilang padre de pamilya.

Sigun ni Amor Cejas, duha ka Anak ang gibilin sa pag- panaw ni Renante, ang usa naa sa Kolohiya ug ang usa graduating pa sa Senior High karong panahona.

Matod ni Amor, si Renante lang ang nanginabuhi sa ilang pamilya, ug samtang kini nag-atiman sa duha nila ka mga Anak.

Adlaw’ng sabado ga-ulian si Renante sa ilang balay sa Barangay Astorga, Sta.Cruz Davao Del Sur, busa sakit sa Pamilya ang kalit nga pagpanaw sa nasampit nga Amahan kinsa nagtrabaho isip Operator sa Kumpanya sa may Ulas.

Ug gumikan sa kawad-on, nagplano ang Pamilya nga makignegosar nalang sa Magsaysay LGU basta akuon lang ang tanang galastuhanan gikan sa haya hangtod sa lubong, ug uban pang puwedeng masabotan, busa gikatakda mag-istorya ang duha ka kampo karong adlawa

Samtang gisuwayan sa News Team nga matawa – gan si Talomo Pnp Chief of Police Major Rose Aguilar kon tinuod ba o dili nga wa’y sakay nga pasyent ang Ambulansa samtang nagwangwang dihang nahitabo ang disgrasya sa Ulas, apan kini mitubag sa tawag.

RadyoMan Joel Viray