2 ka babaye gabaligya shabu dakop

KABANKALAN CITY, NEGROS OCCIDENTAL – Dakop ang duha ka mga babayi nga suspek sa buybust operation sang Kabankalan PNP sa pagpanguna ni PSInsp. Jerald Muya, pasado las 11 ang takna sang aga, sa Tayum St., Brgy. 4, Kabankalan City.

Ang mga suspek amo sanday Jenalyn Zamora, 24 anyos, nga amo mismo ang nag baligya sang illegal nga droga sa poseur buyer nga pulis.

Samtang, ang kaupod sini nga si Jessica Zamora, 47, amo naman ang nag bulig sa kay Jenalyn sa pag baligya sang droga.


Tigayon naman nga maka palagyo ang kaupod sang mga suspects sa pot session sa sulod sang puluy-an ni Jenalyn nga si Rensoy Castañares, 23 anyos.

Kalakip sa mga na recover sang mga otoridad amo ang 36 tanan ka mga elongated plastic sachet sang suspected shabu, (1) ka big plastic sachet sang suspected shabu nga nasulod sa kaha sang sigarilyo, (6) ka mga empty sachets nga may traces sang suspected shabu, drug paraphernalia, buy bust money, kag cash nga 1,562.50.

Ginabulubanta nga nagabalor sang mas o menos P35,000 ka pesos ang market value sang mga narecover nga droga halin sa mga suspetsado.

Kaso sa pag lapas sang Republic Act 9165 ang natalana nga igapasaka batok sa mga suspek.

Facebook Comments