Davao City- Gi-endorso sa Talomo Police Station ang duha ka mga dalaga human nagbugno sulod sa PUJ tungod kay nag rival kini sa usa ka ulitawo.
Mireklamo si alyas Rose, 22 anyos, taga Diho 1v Ma-a sa presinto tres tungod kalit lamang kuno siyang gibugno ni alyas Lyn lyn, 22 anyos taga NHA Ma-a, nga ex-girlfriend sa iyang uyab karon samtang nagkasakay sila sa dyip.
Sumala sa blotter sa Talomo PNP, alas nueve sa buntag sa dihang mukanaog na unta si Rose sa kanto Ma-a City Jail kalit lamang gibira ang iyang buhok ni Lyn lyn hangtod nga sya nahulog sa sakyanan.
Matud usab ni Lyn lyn, dako gayud ang iyang pagdumot kang Rose tungod kay mao kini ang hinungdan nganong nagkabuwag sila sa iyang ex-boyfriend nga uyab na usab karon sa mireklamo.
Naukang lamang ang duha sa ilang panagbugno sa dihang mitabang na ang mga police auxillary ug daling gi-endorso kini sa kwerpo sa kapulisan.
Kasamang Erin Lumosbog
