Report ni: Jennifer Palomo Debaja
Ginkumpirmar sang Department of Foreign Affairs kahapon nga tatlo ka pinay ang ginapatihan ginpatay sang self confessed serial killer sa Cyprus kon sa diin nasapwan sang otoridad ang ila bangkay sa abandonado nga minahan sa Mitsero.
Sa pahayag sang Cyprus police, yara na sa state of decomposition ang bangkay kag wala man ini sang panapton pareho sa una nga bangkay nga nakit-an sang Abril 14.
Nakit-an sang duwa ka German tourist ang bangkay samtang nagakuha sang litrato sa minahan kag nagtawag sang police.
Samtang padayon pa ang pagpangita sa 6 ka tuig nga bata sang pinay nga ginapatihan kaupod sini sang ginsugat sila sang 35 anyos nga suspek.
Suno sa roommate sang biktima, nakilala sa isa ka dating site sang pinay ang 35 anyos nga Greek Cypriot National Guard kag ginkumbinsi sini nga dal on ang 6 ka tuig nga bata para may kahampang ang duwa ka anak sini.
Gin aku naman sang suspek nga nakilala sang biktima sa website nga Badoo kag may profile name “Orestis 35”, ang pagpatay paagi sa pag kuga kag ginhaboy ang bangkay sa abandonado nga minahan.
Nagpasalig man ang DFA sa pamilya sang mga biktima nga handa sila maghatag sang bulig para mahatagan sang hustisya ang kamatayon sang ila himata.
Padayon pa ang imbistigasyon sang Cyprus authorities sa krimen samtang nagpadala naman sang mga tiglawas ang embahada sang Pilipinas sa Cyprus.
