2 ka banwa sa North Cotabato nakabaton P3.1 million DOLE kabuhayan assistance para sa informal Workers.

Nagalab-ot sa P3,103,980.00 nga kantidad sang livelihood starter kits kag tseke ang ginrelease sang Department of Labor and Employment ukon DOLE 12 sa banwa sang Arakan kag Pigcawayan in Cotabato Province.

Sa nasambit nga pondo nakabaton ang Arakan sang P2, 013,101.00 nga ihatag sa tatlo ka mga Accredited Co-Partners (ACPs) nga amo ang Brgy. Government Units (BGUs) sang San Miguel nga may P925,710.00, Kabalantian (Php 505,831.00), kag Poblacion (Php581,560.00).

Yara naman sa 117 ka mga benepisyaryo ang ginalauman nga makabenepisyo sang nasambit nga livelihood aid.


Samtang ang Pigcawayan ang nakabaton naman sang P1,090,879.00 livelihood grant para sa 187 ka mga recipients nga halin naman sa BGUs sang North Manuangan (Php 221,893.00), Central Panatan (Php 235,754.00), Poblacion 3 (Php249,895.00), Malu-ao (Php 204,269.00)), kag Buluan (Php 179,068.00).

Lakip sa mga livelihood projects sang mga benepisyaryo ang food vending, carwash services, welding, pastry and bread making, vulcanizing, hollow block making kag street food vending.

Ginpahayag naman ni DOLE 12 Regional Director Raymundo Agravante nga ginahimo sang ahensya ang tanan agud matigayon ang livelihood projects sa mga vulnerable sectors nga mas nga apektado sang COVID-19 pandemic.

Ang DILP ang flagship program sang DOLE nga maddress ang kapigaduhon paagi sa paghatag sang emergency employment, promotion of entrepreneurship and community enterprises sa mga vulnerable and marginalized sectors.

Facebook Comments