Naapil ug kapaig ang magsoon nga 9 ug 2 anyos, atol sa pagkasunog sa ilang pinuy-anan sa Sitio Kawit sa Barangay Ermita kaganinang alas 5:46 sa buntag .
Si Cebu City Fire Marshall Noel Ababon nibutyag nga ang magsoon nga sila si Jovelyn Digman ,9 anyos ug John Mark Digman, 4 anyos pulos nakit-an nga nagsandig na sa bungbong sa nahugno nila nga panimay human sa sunog .
Gitohoan sa kabomberohan nga gipanalipdan ni Jovelyn ang iyang manghud nga si John Mark tungod kay didto kini nahimutang sa iyang likod .
Wa na makagawas sa ilang panimay ang duha ka mga bata , human ang ilang mga ginikanan nga sila si Ida Alolod ug Joel Digman pulos usab nangapaso .
Gitohoan nga sa ilang balay nagsugod ang sunog nga niabo sa laing 90 ka mga panimay.
Naluwas hinoon ang laing duha nila ka mga anak ug naa karon sa tambalanan .
Gibana-bana nga moabot ug P1.5 milyon ang danyos sa sunog .
