Sa report sa Santo Tomas Municipal Police Station, unang nagpatabang si Ronilo Albina, 31 anyos, taga Barangay Pantaron, human nga kalit nawala ang ilang Honda XRM125 nga gi-park lamang gawas sa Santo Tomas National High School sa Barangay Tibal-og alas 4:00 sa hapon.
Samtang alas 5:30 sa hapon sa susamang adlaw, nagpatabang usab ang usa ka Ian Villagonza, 26 anyos nga taga Barangay Balagunan human nawala ang iyang motor nga Honda TMX 125 nga gi-gipark gawas sa ilang tindahan sa Barangay Balaguan.
Sa gilusad nga hot pursuit operation sa kapulisan sa Sitio Bugtong Lubi, Barangay Bobongon, nasikop ang usa ka alyas Roy, 14 anyos ug usa ka alyas Ben, 15 anyos, pulos residente sa Tibal-og.
Padayon ang pag-awhag sa otoridad sa mga komunidad nga i-report dayon ang mga iligal nga aktibidad sa palibot aron kini gilayong maaksyonan.
RadyoMaN Kirby Manzon
