2 ka fish vendor/dealer sa Tupi nagpositibo sa Covid-19; merkado publiko kag tatlo ka purok i-lockdown.

20

Nagpositibo sa coronavirus disease ukon COVID-19 ang duha ka mga fish vendor/dealer sa banwa sang Tupi nga may-yara sang history of exposure sa Gensan fishport. Ini ang kumpirmasyon Tupi Mayor Romeo Tamayo.
Suno sa alkalde nagpositibo na sa rapid test ang duha amo nga gilayon nga ginpaidalom ang mga ini sa swab test kag kagaina sang aga naggwa ang resulta matapos nga ginhingyo nya suno pa nga ipaggwa na ang resulta sang RT-PCR test sang mga ini.
May-angot sin, epektibo ala-1:30 subong nga hapon, Setyembre 3, 2020 isarado anay ang merkado publiko sang banwa para sa disinfection kag contact tracing.
Ginkumpirmar man ni Mayor Tamayo nga tatlo ka mga purok ang i-lockdown sa sulod sang pito ka adlaw nga amo ang Purok Malipayon sang Barangay Lunen, Purok 3 sang Brgy. Bolomala kag Purok 11- A sang Brgy. Poblacion agud mahatagan sang ligwa ang contact tracing.
Samtang suno sa alkalde ang duha ang gilayon nga ginpaidalom sa quarantine sang nagpositibo sa rapid test kag pareho nga asymptomatic.
Ginaawhag niya man ang publiko nga mag-alerto kag istrikto nga ipatuman ang mga health protocols batok COVID-19 matapos nga padayon pa ang pag-identify nila sang close contact sang nasambit nga mga pasyenti.

Facebook Comments