HINOBAAN, NEGROS OCCIDENTAL – Patay ang duha ka manuglibod sang isda matapos nga nagbun-anay sa Sitio Salvacion Brgy. Bacuyangan, banwa sang Hinoba-an.
Ang mga biktima amo sanday Jonathan Dayrit, 48 kag Ronnel Navarro 27 anyos, residente sang Brgy. Talacagay sang amo man nga banwa.
Dugang pa ni Gonzaga naga pangape sa tiangge si Dayrit samtang naga hulat sang balaklon nga isda sang hinali lamang nga ginbuno ni Navarro apang ini ang tigayon man nga naka bunot sang iya patalom kag nagbalos.
Suno sa hepe sang Hinoba-an PNP, Senior Inspector Leomil Gonzaga, base sa ila inisyal nga imbistigasyon kumpetinsya ukon sinuhutay sa negosyo ang nagapanguna nga motibo sa krimen.
Ang mga biktima ang naka-angkon sang madamo nga pilas sa lawas nga gintuna-an sang ila kamatayon.
