2 ka heavy equipment ginsunog sang ginapatihan NPA sa Negros Oriental

241

SIATON, NEGROS ORIENTAL – Ginsunog sang mga ginapatihan katapo sang New People’s Army ang duwa ka heavy equipment sang isa ka construction firm sa Barangay Caticugan in Siaton, Negros Oriental.

Sa imbestigayon sang Siaton PNP, gin-sulod sang mga armado nga tawo sakay sa motorsiklo ang quarry site sang Medalla Construction nga ginapanag-iyahan ni Medalla Yocor Sia.

Gin-sunog sang mga suspek ang isa ka buldozzer kag isa ka back hoe.


Nabati-an man sang mga construction worket nga nag-singgit ang aramado nga lalaki sang tinaga nga “ Mabuhay ang NPA!”

Suno kay Siaton police head Chief Inspector Varie Villanobos nga nag-responder sila sa lugar upod ang bilog nga tropa sang gobierno lakip diri a Philippine Army, Regional Public Safety Battalion, Provincial Public Safety Company kag Special Weapons and Tactics agud malikawan ang natabu nga ambush sa Guihulngan City.

Wala naman sang ginreport nga may nasamaran sa amo nga insidente.



Facebook Comments