Duha ka mga sakop sa Highway Patrol Group (HPG) ang nadakpan sa gikasang entrapment operation sa PNP Integrity Monitoring and Enforcement Group (IMEG) didto sa Agusan del Sur. Gikasa sa PNP IMEG ang entrapment operation sulod mismo sa buhatan sa Highway Patrol Group (HPG) nga nahimutang sa Brgy. Patin-ay, Prosperidad Agusan del Sur. Malampusong nasikop sila si P/SSgt. Eddie Mangilimotan kung asa nakuha sa iyang tuo’ng bulsa ang P1,500 nga salapi ug si P/Cpl. Raffy Miraflor, kinsa nakuhaan usab ug P1,000 nga salapi sa iyang bulsa nga gitoohang abot sa ilang pagpangilkil. Gikabutyag nga modus sa mga suspek ang pagpangayo ug kwarta sa mga tag-iya sa motor nga ilang madakpan bugti ang pagbalik sa na-impound nga motorsiklo. Adunay reklamo sa usa ka tag-iya ug motor kay matud pa lakip iyang manok igtalari ang gi-tripingan pa sa HPG nga kuhaon. Sa karon ubos na sa kustodiya sa PNP IMEG ang duha ka mga sakop sa HPG nga nadakpan.
