2 ka kaso sa pagpanulis natala sa PS-7

General Santos City—Duha ka sunod sunod nga kaso sa pagpanulis ang natala sa Police Station 7 kagahapon sa gabie.
Alas 6:30 ang takna sa gabie dihang nangayog tabang sa buhatan sa Police Station 7 ang usa ka Ronelo Omag, legal age nga taga Zone 6, Barangay Fatima, Gensan human kining gitulis sa duha ka suspetsadong nakamotorsiklo.

Sumala pa nga siya nagbaktas sa dalan nga sakop sa Zone 7-Block 8, sa maong barangay dihang kalit lang kining giduol sa back rider sa maong motorsiklo dayon gitiunan ug pusil dungan sa pag deklara ug tulis.

Gikuha sa mga suspek ang Celpphone sa biktima nga nagkantidad ug P10,000.00. paspas usab nga misibat ang mga nasampit human sa insidenti.


Alas 6:35 ang takna sa gabie dihang laing biktima sa pagpanulis ang mipatala sa buhatan sa PS-7nga mao si Noime Lejesana, legal age, residenti sa Barangay Fatima.

Sumala pa nga siya nagbaktas uban sa iyang uyab sa Zone 9 dihang kalit giduol sa duha ka suspek nga nagmotorsiklo. Sila gitiunan ug pusil dayon gikuha ang cellphone sa biktima. Paspas usab nga misibat ang mga suspek sa wala sayring lugar.

Sumala sa Police Station 7, parehong suspek lang ang mitulis sa duha ka mga biktima gumikan samang diskripsyon ang gihatag sa mga nasampit ngadto kanila.

Nasayran nga usa sa mga suspek ang nagsul-ob ug gray nga jacket, slim ang lawas samtang ang driver sa motorsiklo sa mga suspek ang dakuon nga tawo. Sa karon nagpadayon pa ang gihimong imbistigasyon sa Fatima Police Station batok sa suspek.

Facebook Comments