Duha ka patay`ng lawas sa wa pa mailhing mga lalaki ang napalgang patay daplin sa karsada sa Sitio Mayana , Barangay Ga-as lungsod sa Balamban .
Ang duha pulos adunay samad pinusilan sa ilang lawas dapit sa ulo .
Usa ka 68 anyos nga residente nga nailhang si Fidel Sabate nibutyag nga sa wa pa madungog ang upat ka buto sa armas , nakadungog siya ug tingog sa mga lalaki nga galalisay ug adunay nagpakilooy sa ilang kinabuhi .
Human sa sunod sunod nga buto sa armas nidali paggawas si Sabate sa iyang pinuy-anan ug nakakita siya ug tulo ka wa mailhing mga lalaki nga nidali pagsakay sa gamay nga awto ug nibiya sa maong dapit .
Ang direksiyon sa nidali pagbiya nga sakyanan paingon sa lungsod sa Balamban .
Facebook Comments
