Unang naharang sa checkpoint sa Licanan sa Brgy. Lasang, Bunawan mao si Rudybert Formetera Conrado, hingkod ang edad, ug na-intercept alas 11:30 sa buntag niadtong adlawng Miyerkules, December 7,2023. Sumala pa nga nagsakay og bus ang suspek ug sa dihang gi-inspeksyon, nakuhaan og heat-sealed transparent plastic sachet nga adunay gibug-aton nga 0.58 grams nga mokantidad og dul-an 4,000.00 ka pesos.
Samtang naharang sab sa checkpoint sa Brgy.Lacson , Calinan District niadtong alas 2:15 sa kaadlawon, Disyembre 8, 2023 ang usaka Rolem Tejares Clarin, hingkod ang edad. Matud pa nga nakita sa otoridad sa salog sa Van duol sa usa ka color brown nga open plastic box ang usa (1) ka small size square shape heat sealed plastic transparent sachet nga adunay sulod nga gituohang shabu.
Lakip narekober sa mga awtoridad ang usa ka PC color green nga lighter, usa ka PC color blue lighter nga adunay improvise pin ug aluminum foil.
Gikustodiya na sa Bunawan Police Station si Conrado samtang si Clarin anaa sa Calinan Police Station.
Ang pagkasikop sa duha ka suspetsado kabahin sa mas gipakusgan nga kampanya kontra iligal nga droga.
RadyoMaN Don Pulayao
