Davao City – Dakpan sa managlahing operasyon sa Mati City Police Station (PS), Criminal Investigation and Detection Group (CIDG) Davao Oriental ug uban pang law enforcement agencies, ang duha ka lalaki sa Mati City, Davao Oriental human sila nakuhaan og armas.
Sa report nga gipadala sa Mati City PS sa DXDC RMN Davao, alas 7:36 AM kagahapon, July 21, 2023 dakpan si Junmar Vilayo, mag-uuma nga nagpuyo sa Purok Gemelina, Barangay Culian, Mati City, diin siya nakuhaan og .38 caliber revolver ug mga bala.
Samtang, alas 8:25 sa susamang adlaw, dakpan usab pinaagi sa warrant si Florencio Kunat Vilayo, 64 anyos, mag-uuma nga residente sa susamang barangay, diin siya nakuhaan og usa ka unit sa Jolen Gun as ED4.
Kasong paglapas sa Republic Act 10591 kun Comprehensive Firearms and Ammunition Regulation Act 2013 ang atubangon sa mga dinakpan.
Pahimangno sa awtoridad nga seguradohong adunay lisensya ug saktong dokumento ang paghupot og armas.
RadyoMaN Kirby Manzon
Facebook Comments
